Glosategi juridiko honek Legek/Leyes saileko lege-testuen terminologia eta lexiko juridiko elebiduna biltzen du. Sarrera bakoitzean bi hizkuntzetako ordainak ezezik, lege-iturriak ere zehazten dira laburdura-zeinuen bidez. Horri esker, hiru kontsulta mota egin litezke: arrunta, lege-testuaren araberakoa eta aurreratua (terminoa eta lege-testua zehaztuta). Hurbilpenez ere egin litezke bilaketak. Adibidez, “zuzenbide” kontsultatuz gero, elementu hori duten sarrera guztiak berreskuratuko dira: “foru-zuzenbidea”, “zuzenbide publikoa”, “zuzenbidezko egoera”, eta abar. Osagarri gisa, lege-testu bakoitzari dagozkion glosarioak pdf formatuan ere eskaintzen dira ondorego dokumentu-zerrendan.