GARALEX ezagutza-bankua administrazioko eta arlo juridikoko hizkuntza-erabilerak aztertzeko garatu den baliabideen plataforma integratua da. Bertan, alor hauetako testuak corpus moduan biltzeko, lantzeko eta kontsultatzeko hainbat tresna biltzen dira: DokumentuBiltegia©, Corpus Arakatzailea, Lexiko Bereizlea©, Patroi Terminologikoen erauzlea© eta beste lan-tresna batzuk. Horiez gain, hiru modulu osagarri ditu azterlanen emaitzak eta baliabideak kudeatzeko: datu-base bibliografikoak sortzeko eta kudeatzeko modulua; datu-base terminologikoak eta glosarioak sortzeko modulua; eta estilo-fitxak sortzeko eta kudeatzeko modulua. Baliabide guztiak sarearen bidez balia daitezke, behin sisteman sartzeko baimena eskuratuta. Izan ere, ezagutza-banku hau teknologia sozialetan dago oinarrituta eta lankidetza eskatzen duten proiektuak aurrera atera ahal izateko berariaz diseinatu